ہیما مالنی کا چونکا دینے والا انکشاف – کس اداکار کو داماد بنانا چاہتی تھیں؟

بالی ووڈ ڈریم گرل ہیما مالنی کی خواہش تھی کہ ان کی بیٹی ایشا دیول کی شادی ابھیشیک بچن سے ہو، لیکن ایشا نے اس پر صاف انکار کر دیا۔

ایک پرانے انٹرویو میں ایشا دیول نے بتایا کہ ان کی والدہ کو لگتا تھا کہ بگ بی کے صاحبزادے ابھیشیک ان کے داماد کے طور پر بہترین انتخاب ثابت ہوں گے۔ ہیما مالنی نے یہ خواہش مشہور شو کافی ود کرن میں بھی ظاہر کی تھی، کیونکہ وہ امیتابھ اور جیا بچن کے ساتھ فلموں (بشمول “شعلے”) میں کام کر چکی تھیں اور انہیں یقین تھا کہ یہ رشتہ بہترین ہوگا۔

تاہم، ایشا دیول نے بعد میں وضاحت کی کہ:
“ممی بہت سویٹ ہیں، اُس وقت ابھیشیک سب سے زیادہ ڈیمانڈڈ بیچلر تھے، لیکن میں انہیں اپنا بڑا بھائی سمجھتی ہوں… اس لیے سوری ماما!”

دلچسپ بات یہ ہے کہ ایک وقت میں یہ افواہیں بھی گردش کر رہی تھیں کہ ہیما مالنی کو وویک اوبروئے بھی داماد کے طور پر پسند تھے، لیکن ایشا دیول نے یہ بات سختی سے مسترد کرتے ہوئے کہا کہ وویک بالکل بھی ان کا ٹائپ نہیں ہیں۔

یہ پرانی کہانیاں اس وقت دوبارہ موضوعِ بحث بنی ہیں جب ایشا دیول کے سابق شوہر بھارت تختانی نے اپنی تازہ انسٹاگرام پوسٹ میں میگا لکھانی کے ساتھ تصویر شیئر کی اور کیپشن دیا: “Welcome to my family”۔ اس کے بعد قیاس آرائیاں تیز ہو گئیں کہ بھارت نے اپنی زندگی میں نیا آغاز کر لیا ہے۔

یوں ایک طرف بھارت تختانی کی پوسٹ مداحوں کو حیران کر رہی ہے، تو دوسری طرف ہیما مالنی کی پرانی خواہشات اور ایشا دیول کے بیانات ایک بار پھر شہ سرخیوں میں ہیں۔