سندھ ہائی ایجوکیشن کمیشن نے صوبے کی سرکاری جامعات میں ڈائریکٹر فنانس کی تنخواہوں پر نظرثانی کرتے ہوئے ان کی تنخواہ 5 لاکھ روپے ماہانہ کرنے کا فیصلہ کیا ہے۔
اس حوالے چیئرمین سندھ ایچ ای سی پروفیسر ڈاکٹر طارق رفیع نے ایک سمری بھی وزیر اعلیٰ سندھ کو ارسال کردی جس میں کہا گیا ہے کہ وفاقی طور پر چارٹرڈ جامعات، پنجاب اور خیبر پختونخوا کے صوبوں میں ڈائریکٹر فنانس کو BPS-20 میں مستقل بنیادوں پر تعینات کیا جاتا ہے تاہم ڈائریکٹر فنانس کا تقرر بلوچستان میں BPS-20/21 میں 4 سال کی مدت پر کیا جاتا ہے۔
سندھ کابینہ کی ذیلی کمیٹی کا سندھ زرعی انکم ٹیکس 2025 پر مشتمل ڈرافٹ کی جملہ ترجیحات و تجاویز کا از سر نو جائزہ کے حوالے سے اجلاس کا انعقاد
سمری میں کہا گیا ہے کہ ماضی میں BPS-20 میں تمام سرکاری جامعات میں ڈائریکٹر فنانس کا تقرر باقاعدہ بنیادوں پر کیا جاتا تھا تاہم سندھ یونیورسٹیز اینڈ انسٹی ٹیوٹ لاز (ترمیمی) ایکٹ 2018 کے نفاذ کے بعد ڈائریکٹر فنانس کی مدت 3 سال مقرر کی گئی ہے جب کہ پہلے بھی مطلع کیا گیا تھا کہ زیادہ تر منتخب ڈائریکٹر فنانس CA/ICMA/ACCA ہوتے ہیں اور نجی شعبے میں زیادہ تنخواہ کا پیکج حاصل کر رہے ہوتے ہیں۔
