ہارڈ اسکیپنگ، لینڈ اسکیپنگ اور پبلک ریلم کے منصوبوں میں معیار، پائیداری اور جدید شہری ڈیزائن پر خصوصی زورسی ای او سی بی ڈی پنجاب عمران امین کی زیر صدارت این ایس آئی ٹی سٹی میں جاری ترقیاتی کاموں کے حوالے سے ایک اعلیٰ سطحی جائزہ اجلاس منعقد ہوا، جس میں ہارڈ اسکیپنگ، لینڈ اسکیپنگ اور پبلک ریلم سے متعلق مختلف منصوبوں کی پیش رفت کا تفصیلی جائزہ لیا گیا۔
اجلاس میں ایگزیکٹو ڈائریکٹر ٹیکنیکل ریاض حسین، ڈائریکٹر آرکیٹیکچر اینڈ پلاننگ سمیر آفتاب سیال، ڈائریکٹر کنسٹرکشن آصف بابر، ڈائریکٹر پروجیکٹ مینجمنٹ آصف اقبال، ڈائریکٹر انجینئرنگ عمر حیات کے علاوہ این ایس آئی ٹی سٹی کے پروجیکٹ مینیجر، منصوبے سے وابستہ کنٹریکٹرز کے نمائندگان اور نیسپاک کے افسران نے شرکت کی۔
اجلاس کے دوران سی ای او سی بی ڈی پنجاب عمران امین کو این ایس آئی ٹی سٹی میں جاری ہارڈ اسکیپنگ، لینڈ اسکیپنگ اور پبلک ریلم کے کاموں پر تفصیلی بریفنگ دی گئی۔ بریفنگ میں پبلک اسپیسز کے فنشنگ مراحل، استعمال ہونے والے تعمیراتی مواد، ڈیزائن کے معیار اور تکنیکی خصوصیات پر روشنی ڈالی گئی تاکہ پائیداری، فعالیت اور شہری جمالیات کو یقینی بنایا جا سکے۔
سی ای او سی بی ڈی پنجاب عمران امین نے اس موقع پر واضح طور پر ہدایت کی کہ ترقیاتی کاموں کے کسی بھی مرحلے پر معیار پر سمجھوتہ ہرگز قابلِ قبول نہیں ہوگا۔ انہوں نے تمام متعلقہ اسٹیک ہولڈرز کو ہدایت کی کہ انفراسٹرکچر کی تعمیر، شہری ڈیزائن اور پبلک اسپیسز کی ترقی میں بین الاقوامی معیار کی سختی سے پابندی کی جائے۔
وادی نیلم میں برفباری، وادی لیپا کا رابطہ ضلعی ہیڈ کوارٹر ہٹیاں بالا سے منقطع
انہوں نے کہا کہ این ایس آئی ٹی سٹی کو ایک عالمی معیار کے جدید ٹیکنالوجی ہب کے طور پر ترقی دی جا رہی ہے، جہاں جدید شہری منصوبہ بندی، پائیدار انفراسٹرکچر اور عالمی سطح کی سہولیات یکجا ہوں گی۔ ان کا کہنا تھا کہ یہ منصوبہ نہ صرف لاہور بلکہ پورے پاکستان میں جدید اور اسمارٹ شہری ترقی کی ایک مثال بنے گا۔
سی ای او عمران امین نے مزید کہا کہ شہر کی مجموعی خوبصورتی اور فعالیت کو بہتر بنانے کے لیے پریمیم لینڈ اسکیپنگ، منظم اور فعال پبلک اسپیسز اور جدید و مؤثر ٹرانسپورٹ نظام پر خصوصی توجہ دی جا رہی ہے، تاکہ شہریوں اور سرمایہ کاروں کو بہترین سہولیات فراہم کی جا سکیں۔
ماحولیاتی پائیداری کے فروغ کے لیے این ایس آئی ٹی سٹی میں سبز علاقوں کے حجم میں نمایاں اضافہ کیا گیا ہے، جو سی بی ڈی پنجاب کے ماحول دوست اور مستقبل کے لیے تیار شہری ترقی کے عزم کا مظہر ہے۔
این ایس آئی ٹی سٹی تیزی سے ترقی کرتے ہوئے سی بی ڈی پنجاب کا ایک فلیگ شپ منصوبہ بن چکا ہے، جو پاکستان میں اسمارٹ، پائیدار اور بین الاقوامی معیار کے شہری انفراسٹرکچر کے نئے معیارات قائم کر رہا ہے۔
