یوکرین میں بھارتی طالب علموں کو بحفاظت نکلنے میں پریشانی کا سامنا کرنا پڑ رہا ہے جسے دیکھتے ہوئے پاکستانی سفارتخانے نے اپنی خدمات پیش کردیں۔
پاکستانی سفارتخانے نے بھارتی طلبہ کو پناہ دی جسے عالمی سطح پر بھی سراہا جارہا ہے۔
#Pakistani Embassy helping Indian students in Ukraine.
There is no one from the Indian embassy to help the #Indian students.
.
.#IndiansInUkraine #UkraineRussiaWar #Ukraine #humanity pic.twitter.com/6sqKfNDDd2— Asjad Khokhar (@asjadkhokhar121) March 2, 2022
واضح رہے کہ یوکرین میں جاری جنگ اور پورے مشرقی یورپی ممالک میں افراتفری کے دوران ایک بھارتی طالب علم نے دل موہ لینے والی ویڈیو شیئر کی جس میں دیکھا جاسکتا ہے کہ پاکستانی سفارت خانے کے اندر بھارتی طلبہ کا ایک گروپ موجود ہے۔
ویڈیو میں دیکھا جاسکتا ہے کہ پاکستانی سفارتخانےکی جانب سے ان طالب علموں کو پناہ دینے کے علاوہ کھانا بھی فراہم کیا گیا۔
خیال رہے کہ یوکرین میں پاکستانی سفارت خانے نے ان بھارتی طلبہ کو ایک ایسے وقت میں پناہ دی جب انہیں خارکیف سے لیویو جانے کے لیے بھارتی سفارتخانے نے مدد کرنے سے انکار کردیا تھا۔
بھارت کے معروف صحافی و پروفیسر اشوک سوین نے بھی ویڈیو ٹوئٹر پر شیئر کی جس میں بتایا گیا کہ رومانیہ کی سرحد پر بھارتی سفارتخانے کا عملہ نہیں تھا لہٰذا ایسے میں پاکستانی سفارتخانے نے بھارتیوں کی مدد کی۔
پاکستانی سفارتخانے کے اس عمل پر بھارتی طلبہ یوکرین میں تعینات پاکستانی سفیر نویل کھوکھر کو خراج تحسین پیش کررہے ہیں۔
دوسری جانب چند روز قبل یوکرین کے شہر خارکیف میں بھارتی طالبعلم فائرنگ سے ہلاک ہو گیا۔
طالبعلم کی فائرنگ سے ہلاکت کی خبر سامنے آنے سے قبل یہ خبریں بھی زیر گردش تھیں کہ یوکرین میں بھارتی سفارتخانے نےفون سننا بند کر دیئے ہیں اور وہاں اپنے شہریوں کو بے یار و مددگار چھوڑ دیا۔
