وفاقی دارالحکومت کی انتظامیہ نے حکومت اور اپوزیشن کو ریڈ زون میں جلسے کی اجازت دینے سے انکار کردیا۔
اسلام آباد کی ضلعی انتظامیہ نے حکومت اور اپوزیشن کو ریڈ زون میں جلسہ کرنے سے اجازت دینے سے منع کر دیا ہے۔
ذرائع کا کہنا ہے کہ انتظامیہ کا موقف ہے کہ اسلام آباد کے ریڈ زون میں دفعہ 144 نافذ ہے، اس لئے ریڈ زون میں عوام کے اجتماع کی اجازت نہیں دی جا سکتی۔
دونوں فریقین کا ایک ہی جگہ جلسہ کرنے سے تصادم کا خدشہ ہے، ریڈ زون میں زیادہ لوگوں کے آنے سے سیکیورٹی مسائل درپیش ہوں گے۔
ضلعی انتظامیہ میں حکومت کو پریڈ گراونڈ اور اپوزیشن کو ایچ نائن میں جلسہ کرنے کا آپشن دے دیا۔
واضح رہے کہ حکومت اور اپوزیشن دونوں ہی نے 27 مارچ کو جلسے کا اعلان کر رکھا ہے۔
وزیر اعظم نے گزشتہ روز جلسے کا لوگو بھی ٹوئٹ کیا تھا جس کے مطابق جلسے کی تھیم ’امر بالمعروف‘ رکھی گئی ہے۔
27 مارچ کو انشاءاللہ اسلام آباد!!
میں چاہتا ہوں کہ ارضِ پاک پاکستان کی روح کےتحفظ کی لڑائی میں عوام کی شرکت کےپہلےتمام ریکارڈز توڑ ڈالے جائیں۔ہم حق کیساتھ کھڑےہیں اورسیاسی مافیاز کیجانب سےاپناچوری کا مال بچانےکیلئےاہلِ سیاست کےضمیروں کی ایسی شرمناک نیلامی کی شدید مذمت کرتےہیں۔ pic.twitter.com/p5iAzAdaC0
— Imran Khan (@ImranKhanPTI) March 20, 2022
دوسری جانب متحدہ اپوزیشن کی جانب سے جاری کیے جانے والے اعلامیے کے مطابق 26 مارچ کو سرگودھا ڈویژن سے ہزاروں کارکنان اسلام آباد پہنچ کر لانگ مارچ کا حصہ بنیں گے ۔
