پنجاب میں فری لانسرز کیلئے انٹرنیشنل سرٹیفکیشن پروگرام

ڈگری نہیں بلکہ ہنر ہی وہ طاقت ہے جو قوموں کی تقدیر بدل دیتی ہے،نوجوانوں کو آئی ٹی اسکلز فراہم کی جا رہی ہیں جو اس وقت کا سب سے بڑا ٹول ہیں

TEVTA پنجاب کے نوجوانوں کو جدید دور کی ضرورتوں کے مطابق تربیت دے رہا ہے،نواز شریف آئی ٹی سٹی نوجوانوں کی سکلز کو پلیٹ فارم اور تقویت دے گا

مہارت صرف روزگار کا ذریعہ نہیں بلکہ خود اعتمادی اور قومی ترقی کی ضمانت ہے،خواب ہے کہ پنجاب کا نوجوان نوکری کا طلب گار نہیں بلکہ روزگار دینے کے قابل ہو
میرا عزم ہے کہ ہر نوجوان کے ہاتھ میں کوئی نہ کوئی ہنر ضرور ہو، وزیراعلیٰ مریم نواز شریف کا نوجوانوں کے سکلز کے عالمی دن پر پیغام

سوشل میڈیا کے غیر مناسب استعمال پر دو پولیس اہلکار معطل

وزیراعلیٰ پنجاب مریم نواز شریف نے کہا ہے کہ حکومت نوجوانوں کو بااختیار بنانے کی راہ میں انقلابی اقدام کررہی ہے۔ پنجاب میں فری لانسرز کے لئے انٹرنیشنل سرٹیفکیشن پروگرام شروع کیا ہے۔ سرکاری سکولوں میں ایڈ ٹیک، میٹرک پائلٹ پراجیکٹ شروع ہوچکا ہے۔ زراعت، ماحولیات سمیت ہر سرکاری محکمے میں انٹرن شپ کا آغاز کیا ہے۔ وزیر اعلیٰ مریم نواز شریف نے نوجوانوں کی سکلز کے عالمی دن پر اپنے پیغام میں کہا کہ زمانہ بدل چکا ہے آج کی دنیا تعلیم کے ساتھ ہنر کی بھی طالب ہے۔ ڈگری نہیں بلکہ ہنر ہی وہ طاقت ہے جو قوموں کی تقدیر بدل دیتی ہے۔ مہارت صرف روزگار کا ذریعہ نہیں بلکہ خود اعتمادی اور قومی ترقی کی ضمانت ہے۔ وزیراعلیٰ مریم نواز شریف نے کہا کہ دور حاضر میں ہنر ہی ترقی کی کلید ہے۔ نوجوانوں کو آئی ٹی اسکلز فراہم کی جا رہی ہیں جو اس وقت کا سب سے بڑا ٹول ہیں۔ نواز شریف آئی ٹی سٹی نوجوانوں کی سکلز کو پلیٹ فارم اور تقویت دے گا۔ TEVTA پنجاب کے نوجوانوں کو جدید دور کی ضرورتوں کے مطابق تربیت دے رہا ہے۔ وزیراعلیٰ مریم نواز شریف نے کہا کہ میرا عزم ہے کہ ہر نوجوان کے ہاتھ میں کوئی نہ کوئی ہنر ضرور ہو۔ مہارت روزگار کا راستہ ہی نہیں بلکہ عزت اور ترقی کی ضمانت ہے۔ میرا خواب ہے کہ پنجاب کا نوجوان نوکری کا طلب گار نہیں بلکہ روزگار دینے کے قابل ہو۔ مشن ہے کہ ہمارے نوجوان فری لانسنگ سے لے کر انٹرپرینیور شپ تک ہر میدان میں کامیاب ہوں۔