تفصیلات کے مطابق عوام پر نان پروٹیکٹڈ بجلی کیٹگری جیسی ظالمانہ پالیسی پر اپوزیشن لیڈر علی خورشیدی نے اظہار تشویش کیا۔
اپوزیشن لیڈر نے 201 یونٹ پر بجلی بلز میں اضافے کے خاتمے کا مطالبہ کرتے ہوئے نان پروٹیکٹڈ صارفین کی 6 ماہ کی مستقل سزا کے خاتمے کا بھی مطالبہ کیا۔
ًلازمی پڑہیں:- سعودی عرب نے پہلی بار غیر ملکیوں کو پراپرٹی خریدنے کی اجازت دے دی ، معاشی انقلاب کی دستک
ایم کیو ایم کے رہنما کا کہنا تھا کہ 201 یونٹ پر 5 سے 7 ہزار روپے تک اضافی بلز دیناعوام دشمن پالیسی ہے، ایک یونٹ بڑھنے پر ہزاروں روپے کا فرق مزید غربت میں دھکیلنے کے مترادف ہے۔
200 یونٹ تک 5000 روپے بل اور 201 یونٹ ہوتے ہی بل 15 ہزار کیوں؟ سوالات کھڑے ہوگئے
انھوں نے کہا کہ ملک بھرکے متوسط اور نچلے طبقے کے صارفین بجلی کے ناجائز بلزتلے دب چکے ہیں، سمجھ نہیں آتا حکومت پاکستان عوام کو کس بات کی سزا دے رہی ہے۔
اپوزیشن لیڈر کا کہنا تھا کہ حکومت اگر عوام کو ریلیف نہیں دے سکتی تو کم از کم سزا بھی نہ دے، یہ پالیسی نہ صرف معاشی زیادتی بلکہ سماجی بےچینی کو بھی جنم دے رہی ہے۔
انھوں نے مزید کہا کہ ظالمانہ پالیسی کی وجہ سے عوام میں بے چینی اور شدید غصہ پایا جاتا ہے، متوسط طبقے کو مہنگی بجلی سے تحفظ دیا جائے۔
لوڈ شیڈنگ سے چھٹکارہ کیسے ممکن ہے ؟
